«Была «размова», торбы правяралі цалкам»
4- 20.05.2025, 12:18
- 5,688
Што адбываецца на мяжы Беларусі з Еўразвязам.
Праваабарончы цэнтр "Вясна" ў пачатку траўня паведаміў, што на межах Беларусі з краінамі Еўразвязу працягваюцца ўзмоцненыя праверкі і затрыманні.
Журналісты BGmedia прачыталі, што на мінулым тыдні і ў пачатку гэтай пісалі карыстальнікі памежных тэлеграм-чатаў аб праверках тэлефонаў і допытах на беларускай мяжы.
На мінулым тыдні пра допыты беларусаў у чатах пісалі завуалявана і амаль без падрабязнасцяў:
"Сёння а 12.25 [12 траўня] выехалі з Варшавы (аэрапорт). А 15.30-17.00 пройдзеныя межы, але людзі на гутарцы, чакаем. Наш аўтобус у бок РБ адзін быў на мяжы ў гэты час. Але стаім: некалькі чалавек - на гутарку, адзін чалавек - на асабісты дагляд. А ў агульнай масе рэчы праз стужку. Выязджаем [а 19.14]".
"Мы выехалі з Варшавы а 7 [раніцы] польскі час [14 траўня]. Прыехалі на мяжу - нікога, але не запускалі гадзіны паўтары. На мосце нікога, у РБ перад кантролем таксама нікога, але гадзіны яшчэ паўтары мы чакалі. Цяпер мы на пашпартным у беларусаў, тут на выездзе тры аўтобусы і ўсе чакаюць з допытаў. Беларусаў вельмі мала ў аўтобусе, што ў нашым, што перад намі".
"ЛТ-РБ [15 траўня]. А 02.15 пашпартны кантроль РБ. Рэчы праз сканер, 2 украінцы. А 03.55 ад'ехалі ад пашпартнага кантролю РБ (прайшлі раней, але асабліва разумны пасажыр надумаў правезці чамадан труб, не дэкларуючы, знялі [яго], але ў выніку мінус 45 хвілін, частка аўтобуса не паспела на стыкоўкі). А 05.30 за 40 км да Менска аўтобус зламаўся (30 чалавек пераселі на аўтобус Ecolines). 07.00 - аўтавакзал [Мкнска]".
"РП-РБ, 15.05-16.05. А 02.35 прайшлі пашпартны кантроль польскі. А 03.55 заехалі на мост. А 04.30 заехалі на беларускі бок. Аўтобусы ў 2 шэрагі былі. А 07.30 пашпартны і мытны кантроль РБ. Рэчы на рэнтген альбо на ручны дагляд. Зараз чакаем яшчэ з гутарак частку аўтобуса. А 08.40 выехалі з мяжы”.
"Аўтобус Варшава-Менск на 07.00 [15 траўня]. Прыехалі на мяжу а 10.10 і адразу на пашпартны (час польскі). А 13.30 па беларускім часе прайшлі мяжу. Чакаем людзей з гутаркі".
"Ecolines, LT-BY (поўны аўтобус). З 18 на 19 траўня. 21.05-22.19 - мяжа ЛТ. 22.33 — 00.17 - мяжа РБ (быццам усе прайшлі за гадзіну, а потым яшчэ гадзіну чакалі кагосьці аднаго і быццам з'ехалі без яго). 02.12 - Менск, аўтавакзал (паводле раскладу а 02.00)».
Як сілавікі правяраюць на мяжы замежнікаў
На мінулым тыдні ў памежных чатах пісалі, што беларускія мытнікі надавалі асаблівую ўвагу грамадзянам Украіны і Расеі:
“А 01.13 прыехалі да мяжы, а 14.16 выехалі. Разам: 13 гадзін [17 мая]. Затрымка з-за беларускай мытні. Працуюць 2 інспектары, пашпарты РФ і Украіны —поўны, дасканалы ручны дагляд. Беларусам як пашанцуе, могуць і на стужку толькі. Пакуль адзін аўтобус не скончаць - новы не выклікаюць. На аўтобус гадзіну-паўтара сыходзіць. Так што ўсім цярпення, хто там ззаду чакае".
У асноўным у чатах пішуць пра допыты ўкраінцаў на мяжы Беларусі:
"РП-РБ, 12.05.25. А 02.35 заехалі пад першы навес пункта пропуску BY. А 02.45 выйшлі з аўтобуса з рэчамі на кантроль. А 03.45 прайшлі пашпартны кантроль. Нават украінцаў выпусцілі ўжо. Велізарная чарга на рэнтген з двух аўтобусаў. На аднаго чалавека 2-10 хвілін ... а 06.10 выехалі ў горад”.
"Вільня-Менск [13 траўня]. А 12.20 пад'ехалі да шлагбаума (перад намі 1 “Экалайнс”). А 13.20 з пратаколам аднаму пасажыру аформіліся ў Літве. А14.15 аформіліся ў РБ, чакаем грамадзян Украіны. А 14.30 выязджаем з мяжы”.
"РП-РБ, З 14.05 на 15.05, час польскі. А 23.23 заехалі да палякаў. А 00.47 прайшлі палякаў. А 04.30 прайшлі беларусаў, дачакаліся аўтобуса, чакаем украінцаў. А 05.20 выехалі з мяжы".
"РП-РБ [15 траўня]. З Варшавы выехалі а 21.45, з беларускай мяжы — а 08.50. Хто грамадзяне Украіны - была гутарка, тэлефон глядзелі і торбы цалкам, але каўбасу і сыр не забралі”.
"Вільня-Мкнск, 18.05.2025. 09.05-09.15 - пашпартны кантроль РБ (да 10.10 чакалі грамадзяніна Украіны, але праз негабарытны багаж ён застаўся на мытні ў чырвоным калідоры). 12.00 - аўтавакзал Менска".
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
