Амбасадара Беларусі ў Грузіі знялі

Ягонага сына судзілі за пратэсты.

22 траўня Лукашэнка зняў з пасады амбасадара Беларусі ў Грузіі Анатоля Ліса, які раней доўгі час быў старшынём Берасцейскага аблвыканкама. Ягонага сына Паўла нядаўна судзілі за ўдзел у пратэстах, паведамляе «Еўрарадыё».

40-гадовы Павел Ліс 26 красавіка быў уключаны ў спіс «экстрэмістаў», які вядзе МУС. Мужчыну асудзілі паводле ч. 1 ст. 342 КК (Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх). Яму прызначылі «хатнюю хімію».

Павел Ліс працаваў намеснікам прарэктара БДУІР у 2012–2016 гадах і дырэктарам Галоўнага інфармацыйна-аналітычнага цэнтра Міністэрства адукацыі ў 2016–2019 гадах. Потым ён сышоў у IT-сферу. А з 2024 года мужчына з'яўляецца камерцыйным дырэктарам у кампаніі ITTAS, якая займаецца распрацоўкай праграмных і праграмна-апаратных пастановаў.

Ягоны бацька Анатоль Ліс рабіў чыноўніцкую кар'еру. З 2014 да 2021 года быў старшынём Берасцейскага аблвыканкама. Перад тым мужчына кіраваў Навагрудкам і Мазыром, быў дэпутатам Палаты прадстаўнікоў, намеснікам міністра прыроды, памочнікам Лукашэнкі на Гомельшчыне і намеснікам кіраўніка ягонай адміністрацыі.

Новым амбасадарам Беларусі ў Грузіі прызначаны Мікалай Рагашчук. Раней ён быў намеснікам кіраўніка справаў Лукашэнкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]