Фэйкавы «журналіст» спрабаваў прабіцца да Андрэя Макарэвіча

Падазраваных дэпартавалі з Ізраіля.

Паліцыя Ізраіля затрымала двух людзей, якія падазраюцца за незаконную выдачу сябе за журналістаў УНІАН і з падробленым пасведчаннем спрабавалі прабіцца да расейскага музыкі Андрэя Макарэвіча. Як выявілася, гэтыя людзі не з'яўляюцца грамадзянамі Ізраіля, таму яны вымушаныя пакінуць краіну, паведамляе unian.net.

«Свежыя ранішнія навіны: псеўдаўкраінскі «журналіст» Раман Скіба з суўдзельнікам былі арыштаваныя ізраільскай паліцыяй і дэпартаваныя... Не, не ва Украіну. У Расею. Аператыўна», - напісаў музыка на сваёй старонцы ў Facebook.

Нядаўна мужчына, які выдае сябе за «журналіста» УНІАН, звязаўся з жонкай Макарэвіча - Эйнат Кляйн і заявіў, што рыхтуе матэрыял для рубрыкі «Турызм» аб незвычайных месцах Ізраіля і аб людзях, «якія ствараюць унікальныя сямейныя праекты». Таму ён хацеў зрабіць інтэрв'ю з Макарэвічам і распытаць пра яго вінны бізнэс.

Пасля таго як Эйнат папрасіла пасведчанне, яна ўбачыла, што яно несапраўднае, бо ў ім былі памылкі ў назве агенцтва, у якім нібыта працуе гэты «журналіст».

Шэф-рэдактар УНІАН Міхась Ганіцкі паведаміў, што такога чалавека як Раман Скіба ў штаце няма. Кіраўніцтва агенцтва паведаміла праваахоўным органам Украіны аб тым, што ў Ізраілі нехта выдае сябе за супрацоўніка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]