Дзевяць краін ЕЗ патрабуюць больш свабоды ў прыняцці пастаноў аб высылцы замежнікаў

З ініцыятывай выступілі Італія і Данія.

Дзевяць краін Еўрапейскага Звязу заклікалі да перагляду Еўрапейскай канвенцыі па правах чалавека, каб спрасціць працэс дэпартацыі мігрантаў, якія ўчынілі злачынствы, піша Politico (пераклад - сайт Charter97.org).

Ініцыятыву Італіі і Даніі падтрымалі лідары Аўстрыі, Бельгіі, Чэхіі, Эстоніі, Латвіі, Літвы і Польшчы. У супольнай заяве, падрыхтаванай прэм'ер-міністрам Італіі Джорджай Мелоні і прэм'ерам Даніі Метэ Фрэдэрыксэн, адзначаецца, што Еўрапейскі суд па правах чалавека зайшоў занадта далёка ў пашырэнні сферы дзеяння Канвенцыі, што абмяжоўвае магчымасці дзяржаў у барацьбе са злачыннасцю сярод замежных грамадзян.

«Мы хочам пачаць палітычную дыскусію аб шэрагу еўрапейскіх канвенцый, да якіх мы прывязаныя, і аб тым, наколькі яны, праз дзесяцігоддзі пасля іх прыняцця, здольныя залагоджваць ключавыя праблемы нашага часу - у першую чаргу, праблему міграцыі», - заявіла Мелоні ўвечары ў чацвер.

Акрамя таго, у дакуменце змяшчаецца заклік даць дзяржавам больш свабоды ў прыняцці пастаноў аб высылцы іншаземцаў, якія ўчынілі злачынствы, а таксама забяспечыць механізмы адсочвання тых, каго немагчыма дэпартаваць.

Асобна падкрэсліваецца неабходнасць барацьбы з выкарыстаннем міграцыі як інструмента гібрыднага ўздзеяння з боку варожых дзяржаў. Так, на гэтым тыдні Літва падала пазоў супраць Беларусі ў Міжнародны суд ААН, абвінаваціўшы Менск у штучным правакаванні міграцыйнага крызісу з мэтай дэстабілізацыі палітычнай сітуацыі ў Еўразвязе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]