Перастрэлка расейскіх сілавікоў у Воршы: што спрабуюць схаваць

На адным з аўто не было нумарных знакаў.

Раніцай 26 траўня на дарозе Ворша-Віцебск адбылася перастрэлка паміж двума расейцамі. Адным з першых пра здарэнне паведаміў тэлеграм-канал Orsha.eu.

Паводле ягоных звестак, на скрыжаванне трас М1 і Е95 прыехалі двое грамадзян Расеі. Абодва нібыта былі высокапастаўленымі супрацоўнікамі расейскай паліцыі - адзін маёр, другі падпалкоўнік.

- Дакладна мы пакуль не можам сказаць, у чым прычына разборак, падобна да «раптоўнай асабістай непрыязнасці». Але ў абодвух былі траўматычныя пісталеты, якія яны абодва і выкарыстоўвалі. Адзін з паліцэйскіх быў больш трапным і паклаў свайго супраціўніка на смерць. Забойца быў затрыманы на месцы здарэння, — расказалі падрабязнасці аўтары канала.

Паводле афіцыйнай версіі прэс-службы МУС, а 8:30 на аўтадарозе Р-87 «Ворша-Віцебск» паблізу паселішча Высокае Аршанскага раёна быў знойдзены труп 45-гадовага расейца, а таксама аўтамабіль Lada без рэгістрацыйных знакаў. Побач знаходзіўся прадмет, падобны да пісталета.

Паведамляецца і аб затрыманні па гарачых слядах 41-гадовага грамадзяніна РФ. У справаздачы МУС адзначаецца, што прычыны ўчынення злачынства, а таксама род дзейнасці затрыманага і загінулага высвятляюцца следствам.

Улічваючы спецыфічнае стаўленне сілавікоў да крымінальных гісторый з удзелам калегаў, можна меркаваць, што род дзейнасці ўдзельнікаў разборкі пад Воршай паспрабуюць схаваць, піша «Салiдарнасць». Ускосна на гэта можа паказваць адсутнасць нумарных знакаў на адным з аўто.

У кожным выпадку, калі версія аб удзеле ў стральбе паліцэйскіх з Расеі знойдзе сваё пацвярджэнне, то сам факт таго, што адбылося, можа стаць несуцяшальным высновай для Беларусі.

Наша краіна канчаткова ператварылася ў прахадны двор для расейскіх сілавікоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]