Выведка Нідэрландаў падазрае расейскіх хакераў у атацы на паліцыю і сеткі NАТО
1- 27.05.2025, 17:30
- 1,332
У Нідэрландах мяркуюць, што групоўка нясе падвышаную пагрозу шпіянажу.
Галандскія праваахоўнікі падазраюць расейскую хакерскую групу Laundry Bear у кібератацы на паліцыю і сеткі NATO. Пра гэта паведамілі ў Галоўнай выведвальнай ўправе Нідэрландаў і вайсковае агенцтва (AIVD і MIVD), піша liga.net са спасылкай на радыё BNR.
"Маштабная кібератака" на паліцыю адбылася ў верасні 2024 года. Выведвальныя службы пацвердзілі, што былі скрадзеныя службовыя кантактныя звесткі супрацоўнікаў паліцыі, але яны не змаглі ўсталяваць, ці быў выцек іншых звестак.
Мяркуецца, што ахвярамі ўзлому сталі і іншыя галандскія арганізацыі, а таксама сеткі дзяржаў-чальцоў ЕЗ і NАТО, Арганізацыі ва Усходняй і Цэнтральнай Азіі. Акрамя таго, laundry Bear таксама падазраецца ў кібершпіянажы супраць кампаній, якія вырабляюць высокатэхналагічныя прадукты, доступ да якіх у Расеі абцяжараны праз заходнія санкцыі праз вайну супраць Украіны.
- Расследаванне таксама паказвае, што Laundry Bear нясе адказнасць за кібераперацыі супраць заходніх урадаў і іншых інстытутаў прынамсі з 2024 года, – сказана ў заяве выведвальных службаў.
Паведамляецца, што хакеры праяўляюць цікавасць да ўзброеных сіл, пастаўшчыкоў абароннай прадукцыі, IT і лічбавых паслуг, а таксама да грамадскіх арганізацый і праваахоўнікаў.
У Нідэрландах чакаюць, што ў будучыні групоўка хакераў будзе праводзіць больш складаныя атакі, і мяркуюць, што Laundry Bear нясе “павышаную пагрозу шпіянажу”.
"Кібератакі на галандскія ўстановы з'яўляюцца часткай больш маштабнай міжнароднай кіберпагрозы, якая зыходзіць ад хакерскай групоўкі", - сказана ў справаздачы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
