У Балтыйскім моры брытанскі карабель выратаваў швэдскую падлодку ад нястачы кавы

Падрабязнасці незвычайнай лагістычнай аперацыі.

Падчас вучэнняў NATO ў Балтыйскім моры брытанскі патрульны катар правёў незвычайную лагістычную аперацыю: даставіў швэдскай падводнай лодцы каву, якая ў яе скончылася.

Падчас вучэнняў NATO ў Балтыйскім моры брытанскі патрульны катар правёў незвычайную лагістычную аперацыю: даставіў швэдскай падводнай лодцы каву, якая ў яе скончылася.

Пра гэта паведамляе Bild.

Лагістычная аперацыя адбылася ў рамках вучэнняў NATO Baltops 25, падчас якіх блізу 50 караблёў і падводных лодак, больш за два дзясяткі самалётаў і 9000 вайскоўцаў з 17 краінаў адпрацоўваюць абарону ў Балтыйскім моры.

Швэдская падводная лодка класу Södermanland падчас перапынку ў вучэннях паведаміла, што на борце скончыліся запасы молатай кавы. HMS Dasher, патрульны катар Каралеўскага флоту Вялікай Брытаніі, надумаў дапамагчы калегам.

«Гэта была ўсяго толькі кава, але мы прадэманстравалі, што нават такія невялікія падраздзяленні, як наша лодка класу P2000, могуць хутка і эфектыўна рэагаваць на патрэбы нашых хаўруснікаў», – пракаментаваў камандзір HMS Dasher лейтэнант Джэк Мэйсан.

Калі катар прыбыў да падводнай лодкі, адзін марак кінуў у падводную лодку вяроўку, па якой перадалі воданепранікальны мяшок з кавай і італьянскім печывам.

Пры гэтым HMS Dasher мусіў трымацца на адлегласці пяці метраў, каб не пашкодзіць корпус. Пасля заканчэння перадачы катар вярнуўся на базу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]