ЗША раскрылі дэталі ўдару па Іране
- 22.06.2025, 16:52
- 14,510
У атацы ўдзельнічалі 125 самалётаў.
Ваенная аперацыя ЗША супраць Ірана пад кодавай назвай «Паўночны молат» была рэалізаваная з удзелам больш чым 125 самалётаў, у тым ліку - 7 стэлс-бамбавальнікаў B2.
Пра гэта ў нядзелю паведаміў старшыня Аб'яднанага камітэта начальнікаў штабоў ЗША генерал Дэн Кейн, чые словы прыводзіць CNN.
Са слоў Кейна, агулам у аперацыі было задзейнічана больш за 125 самалётаў, уключаючы бамбавікі B2, самалёты-запраўшчыкі, выведвальныя самалёты і знішчальнікі.
Бамбавікі скінулі больш за дзясятак 30-тонных бомбаў Massive Ordnance Penetrator на два іранскія ядзерныя аб'екты, Фардо і Натанз, а ракеты Tomahawk былі запушчаныя па Ісфагану.
Са слоў Кейна, гэтая місія, якая стартавала з базы ў Місуры, стала самай працяглай місіяй бамбавікоў B2 з часоў тэрактаў 11 верасня.
Кейн таксама паведаміў, што ў рамках аперацыі па цэлях у Іране з падводнай лодкі былі выпушчаныя дзясяткі ракет Tomahawk.
«Апоўначы з пятніцы на суботу вялікі ўдарны атрад B2, які складаецца з бамбавікоў, стартаваў з кантынентальнай часткі ЗША», – сказаў Кейн.
«У рамках плана захавання тактычнай нечаканасці частка групы працягнула палёт на захад у Ціхі акіян як прынада - гэта аперацыя па ўвядзенні ў зман, пра якую ведалі толькі вельмі абмежаванае кола планавальнікаў і ключавых кіраўнікоў тут, у Вашынгтоне, і ў Тампе», - дадаў ён.
Асноўная ўдарная група, якая складаецца з сямі бамбавальнікаў B2 Spirit, кожны з якіх меў двух чальцоў экіпажа, ціха працягнула палёт на ўсход, мінімальна выкарыстоўваючы сродкі сувязі.
Пасля ажыццяўлення пускаў бомбаў самалёты пачалі вяртанне дадому - Іран не адкрываў агонь ні падчас уваходу, ні падчас выхаду амерыканскай авіяцыі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
