У ЗША правялі ўнікальныя выпрабаванні беспілотнага рэактыўнага дрона

Гэта адкрывае магчымасці для шырэйшага выкарыстання аўтаномных дронаў у баявых місіях.

Амерыканская кампанія General Atomics правяла ўнікальныя выпрабаванні беспілотнага рэактыўнага дрона MRO-20 Avenger. Апарат паспяхова правёў сімуляваную атаку на два лятальныя апараты, піша Interesting Engineering (пераклад - сайт Charter97.org).

Тэсты, якія прайшлі 11 чэрвеня, прадэманстравалі магчымасці MQ-20 у кіраванні паветранай прасторай: апарат выконваў манеўры ў групе з іншымі рэальнымі самалётамі, патруляваў зону баявых дзеянняў, узаемадзейнічаў з камандна-штабной сістэмай і самастойна прыняў рашэнне аб перахопе, завяршыўшы яго паспяховым пускам ракеты.

Падчас выпрабаванняў Avenger выкарыстоўваў найноўшае дзяржаўнае праграмнае забеспячэнне для аўтаномнага кіравання, а затым у палёце пераключыўся на платформу Hivemind ад кампаніі Shield AI. Гэта дэманструе магчымасць хуткай змены ПЗ без страты стабільнасці або змены місіі - дзякуючы выкарыстанню стандартнай "рэферэнснай архітэктуры", якая забяспечвае сумяшчальнасць абсталявання і праграм розных пастаўшчыкоў.

Як адзначылі ў General Atomics, выпрабаванне пацвердзіла сталасць аўтаномных тэхналогій для платформаў пятага пакалення і падкрэсліла важнасць модульнага падыходу. Такі падыход дазваляе ствараць гнуткую экасістэму, дзе аўтаномныя функцыі могуць усталёўвацца і абнаўляцца па прынцыпе "крамы аплікацый".

Са слоў Майкла Этвуда, віцэ-прэзідэнта па перспектыўных праграмах GA-ASI, падобныя выпрабаванні крытычна важныя для будучыні аўтаномнай авіяцыі і дазваляюць паскорыць укараненне інавацый, пазбягаючы залежнасці ад аднаго вытворцы.

Гэты прарыў адкрывае шлях да больш маштабнага прымянення аўтаномных дронаў у вайсковых аперацыях.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]