Навукоўцы: Цвярозасць - інвестыцыя ў здароўе
12- 4.06.2025, 15:34
- 3,342
Як адмова ад алкаголю палепшыць вашыя спартыўныя вынікі.
Калі вы імкняцеся да лепшай фізічнай форме і высокага ўзроўню энэргіі, адмова ад алкаголю можа стаць ключавым крокам. Нягледзячы на ўяўную бясшкоднасць пары келіхаў віна ці куфляў піва, спіртное негатыўна ўплывае на фізічную цягавітасць, каардынацыю, якасць сну і аднаўленне, піша брытанская газета Independent.
Персанальны трэнер Джош Дэвіс адзначае, што пасля адмовы ад алкаголю яго трэніроўкі, энэргія і яснасць мыслення выйшлі на новы ўзровень. Алкаголь абязводжвае арганізм і парушае фазу глыбокага сну, што перашкаджае аднаўленню паміж трэніроўкамі.
Акрамя фізіялагічных наступстваў, спіртное зніжае матывацыю. Ларэн Уайт, былы фітнэс-трэнер, распавядае, як алкаголь выклікаў у яе дэпрэсію і перашкаджаў клапаціцца пра сябе і трэніравацца.
Калі адной з вашых мэтаў з'яўляецца зніжэнне вагі, адмова ад спіртнога можа прыкметна дапамагчы. Генеральны дырэктар і заснавальнік Ultimate Performance Нік Мітчэл тлумачыць, што калорыі з алкаголю ў арганізме спальваюцца ў першую чаргу, тармозячы працэс спальвання тлушчу.
Акрамя таго, алкаголь зніжае ўзровень тэстастэрону ў мужчын і перашкаджае росту мышачнай масы. "Піва асабліва шкоднае, бо змяшчае шмат калорый і валодае эстрагенным эфектам - адсюль і “піўныя жываты”, і нават гінекамастыя у мужчын", — дадае Мітчэл.
Адмова ад алкаголю эканоміць грошы і час, якія можна выдаткаваць на новыя захапленні і спорт. "Алкаголь дарог і правакуе лішнія выдаткі, асабліва ў стане ап'янення", - кажа Дэвіс.
Адмова ад алкаголю - гэта не ахвяра, а інвестыцыя ў здароўе, энэргію і рэальны прагрэс у трэніроўках.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
