Новая хваля звальненняў у IT-кампаніі Playtika закранула беларусаў

Пад скарачэнне патрапілі амаль 160 чалавек.

Геймдэў-кампанія Playtika скараціла да 160 чалавек у камандах Best Fiends і Redecor, беларусаў таксама. Аб гэтым піша devby.

Playtika правяла новую хвалю звальненняў - гэта прыкметна па вялікай колькасці аб'яў аб пошуку працы, якія размясцілі ў LinkedIn нядаўнія супрацоўнікі кампаніі ў Польшчы і Ізраілі. Сярод іх ёсць беларусы, у тым ліку з Беларусі, хаця афіцыйна кампанія пайшла з краіны ў 2024 годзе.

Pocketgamer.biz налічыў 20 такіх аб'яваў. Сярод закранутых пасад - QA, распрацоўшчыкі, мэнэджары, рэкрутары, дызайнеры і іншыя. Паводле інфармацыі mobilegamer.biz, усяго скарацілі да 160 супрацоўнікаў у камандах Best Fiends і Redecor.

Так, адна з крыніц паведаміла, што колькасць іх каманды скарацілася з больш як 200 да амаль 40 чалавек. Іншая крыніца адзначыла, што, прынамсі, 80 супрацоўнікаў былі звольненыя толькі ў польскіх офісах Playtika. Таксама былі закранутыя падрадчыкі і супрацоўнікі ў Ізраілі.

У Playtika каментаваць сітуацыю адмовіліся.

Нагадаем, цяперашняй хвалі скарачэнняў папярэднічала травеньская, калі было звольнена блізу 50 чалавек у берлінскай студыі Wooga, якая належала Playtika.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]